Гвардиола го користи хаосот и подготвува трансфер БОМБА: Парижаните ќе изгубат еден од клучните играчи?!

Новата сезона во Англија му донесе одлична игра на Манчестер Сити во која се гледа „раката“ на Пеп Гвардиола.

Шпанскиот стратег на „Итхад“ пристигна изминатата сезона, но не успеа преку ноќ да направи чудо. Меѓутоа, Гвардиола веднап кажа дека ќе му биде потребно време од Сити да направи екипа за трофеј во ЛШ за кој сонуваат навивачите на клубот.

Сити на почетокот на оваа сезона игра феноменално, од девет натпревари има девет победи. Многумина се надеваат дека „Граѓаните“ конечно оваа година би можеле да стигнат до титулата во ЛШ. Сепак, според пишувањата на англиските медиуми, Гвардиола веќе лесно размислува за следната сезона односно на летниот преоден рок.

Наводно, шпанскиот стратег има јасен план следното лето да се обиде да го донесе Кавани кој не е задоволен во редовите на ПСЖ. Уругваецот имаше судир со Нејмар кој ја презеде улогата на ѕвезда во тимот.

Како што пишуваат англиските медиуми, Гвардиола ја следи ситуацијата и сака следното лето да го убеди да дојде во Сити, а тоа би значело дека голема е веројатноста Агуеро да го напушти Манчестер.