Гатузо: Не може секогаш да се биде Бред Пит, некогаш треба тимот да биде грд како мене

Наполи запиша важна победа на гостувањето кај Удинезе и тоа со гол во последната минута (1:2).

Наполи не одигра добар натпревар и беше многу блиску и до пораз, но Бакајоко погоди во 90-та минута за победа.

„Наполи секогаш сака да игра убав фудбал, но понекогаш да бидеш „грд” е добра работа. Не може секогаш да си Бред Пит со руса коса и сини очи. Понекогаш мора да си грд како мене. Сега изгледам полошо од вообичаено поради болест, но добро се чувствувам“, изјави Гатузо во свој стил.