Гатузо: Има многу шпекулации, ја чекам одлуката на Игуаин!

Утре се игра натпреварот од Суперкупот помеѓу Јувентус и Милан, а на конференцијата пред овој натпревар Џенаро Гатузо најмногу зборуваше за Гонзало Игуаин.

Долго време се шпекулира дека Игуаин е на чекор од трансфер во Челзи. Гатузо порача дека Игуаин не кажал дека сака да замине, но остави сомнеж со тоа што на крајот заврши со зборовите дека чека на неговата одлука.

Игуаин тренира и се забавува со останатите играчи, достапен е за утрешниот натпревар. Можеби ќе игра, а можеби и не. Мора да реши како ќе ги надмине проблемите, но се однесува како професионалец. Можам да ви потврдам дека никогаш не побарал да замине, чекам да ми ја соопшти одлуката“, изјави Гатузо.

Натпреварот помеѓу Јувентус и Милан се игра утре во 18:30 часот.