Гатузо го сака својот „миленик“ од Милан

Италијанските медиуми пренесуваат дека Наполи е сериозно заинтересиран за десниот бек на Милан, Давиде Калабрија.

Гатузо одлично го познава Калабрија и инсистира да го донесе во Наполи ова лето.

22-годишниот десен бек се етаблираше во првиот тим на Милан токму под водство на Гатузо и е спремен да ја прифати понудата на Наполи.

Од друга страна пак Милан е спремен да се откаже од Калабрија бидејќи сака да донесе нов десен бек, а прва цел е играчот на ПСВ, Дензел Думфрис.

„Росонерите“ за слободата на својот играч бара 20 милиони евра, додека Наполи е спремен да понуди 15 милиони евра плус бонуси.