Гатузо: Во нападот треба да бидеме убави како Бред Пит, а во одбраната грди како мене

Легендарниот Џенаро Гатузо повторно даде хит изјава која ќе се врти во интернетот.

Наполи кој е предводен од Гатузо вчера славеше против Торино, а Гатузо искажа задоволство после натпреварот.

„Се подобруваме, мораме вака да продолжиме. Ми се допадна како тимот изгледа. Бевме компактни. Спремен сум да отидам и до крајот на планетата за своите играчи. Мораат да тренираат како што ќе кажам јас, а не како што ќе кажат другите. Исто така во нападот мораме да бидаме убави како Бред Пит, а во одбраната грди како мене“, изјави Гатузо.

За откажувањето натпревари против коронавирусот.

„Го почитувам стравот и мислам дека треба или да играат сите или никој. Подобро е да се игра со публика, но ако се одлучи да се игра зад затворени врати морате и тоа да го прифатите“, додаде стратегот на Наполи.