Галинари одличен за победа на Атланта против Бостон, Јута ги разби Лејкерси 🎥

Изминатата ноќ во НБА лигата беа одиграни девет натпревари.

Кризата на Бостон продолжува, тие го претрпеа седмиот пораз во полседните 10 натпревари. Овој пат ги победи Атланта со 127:112.

Еден од најдобрите натпревари во кариерата го одигра Данило Галинари кој постигна 38 поени, погоди дури 10 тројки. Кога на тоа ќе се додадат 33 поени на Трае Јанг јасно е зошто Бостон немаше шанси. Џејлен Браун постигна 17 за Селтикси.

На победничките патеки се врати Јута откако во изминатата вечер славеа против Лејкерси со 114:89. Лејкерси без Ентони Дејвис се како друга екипа. Дури шест кошаркари Јута постигнаа повеќе од 10 поени и така ги оставија актуелните шампиони без шанси. Се истакнаа Кларксон и Гоберт со по 18, додека Џејмс постигна 19 за непрепознатливите Лејкерси кои се поразени на четврти натпревар во низа.

НБА РЕЗУЛТАТИ: Атланата – Бостон 127:112, Кливленд – Хјустон 112:96, Индијана – Голден Стејт 107:111, Чикаго – Минесота 133:126, Мајами – Торонто 116:108, Њу Орлеанс – Детроит 128:118, Оклахома – Сан Антонио Спарс 102:99, Феникс – Шарлот 121:124, Јута – Лејкерси 114:89.