Искусниот ракометар на Вардар, Марко Вујин е оптимист дека Вардар може до победа на претстојниот меч во Париз против ПСЖ во рамки на ракометната Лига на шампионите.
Францускиот гигант е во криза и имаат само една победа во четири меча во ЛШ, па „црвено-црните“ не патуваат со кренато бело знаме.
Пред дербито, падна најважниот потпис во Манчестер Сити! ↓↓↓
„Очекувам да продолжиме во истиот ритам како на последните два натпревари. Мислам дека тоа што го прикажавме на последните два меча изгледа многу подбро и сметам дека играме вистински ракомет, против тешки противници. Имаме свои шанси на секој меч се надевам дека ќе се вратиме со позитивен исход. Тие сигурно се под притисок, загубија три од четирите средби од почетокот на сезоната и тоа сигурно не го планирале“, изјави Вујин.
„Никој од нас не бара сензација во Париз, но го анализиравме тимот и се подготвувавме на тренинг. Сигурно нема да одиме со бело знаменце на гостување, знаеме дека квалитетот е на нивна страна, но како и секогаш, со добра одбрана на нивна транзиција би можеле да создадеме притисок“, изјави Чупиќ.
Фото: РК Вардар
Учество во игри на среќа е дозволено за лица со 18+ години. Играј одговорно!