Во Јувентус стравуваат: Се повреди Роналдо!

Во овие моменти во рамките од квалификациите за Европското првенство помеѓу другите натпревари играат и репрезентациите на Португалија и Србија.

Репрезентацијата на Србија имаше добар почеток и ги изненади Португалците. Руи Патрисио беше невнимателен во својот шеснаесетник каде што го собори Гачиновиќ, а главниот судија Марчинијак покажа на белата точка. Сигурен реализатор на најстрогата казна беше Душан Тадиќ. Подоцна Данило со прекрасен погодок изедначи на 1:1.

Меѓутоа она што можеби повеќе ги загрижува Португалците е повредата на Кристиано Роналдо. Роналдо при еден трк застана и седна на тревникот по што гестикулираше дека не може да продолжи, па мораше да биде заменет.

Оваа повреда на Роналдо сигурно ги загрижува и фановите на Јувентус со оглед на тоа што пред италијанскиот тим е најважниот дел во Лигата на шампионите каде што ќе играат против холандски Ајакс.

Засега се шпекулира дека станува збор за истегнување на мускулно влакно.

ronaldo leaving the match injured? pic.twitter.com/SP1GFoqz2M

— F• (@SantosAveiiro) March 25, 2019