Во Шпанија бесни: Ваков пенал може да добие само Реал Мадрид 🎥

Реал Мадрид вчера славеше уште една победа во Примера откако пред својата публика го совладаа тимот на Еспањол со 4:1.

Еспањол прв постигна гол, но „кралевите“ во продолжение одиграа одличен натпревар и не дозволија изненадување. Победата беше потврдена со голот на Килијан Мбапе од пенал.

За Мбапе ова беше трет гол од пенал на последните три натпревари во Примера, па поради тоа реагираа навивачите на останатите шпански клубови. За овој пенал фановите потенцираат дека прекршокот започнал далеку од казнетиот простор кога судијата дал предност, а потоа досудил најстрога казна.

„Ваков пенал може да добие само Реал Мадрид“, коментираат најголем број незадоволни навивачи.