Во ПСЖ повторно кавга за пенал, овој пат помеѓу Ди Марија и Мбапе

Во дербито на 29. коло во француската Лига 1 фудбалерите на ПСЖ синоќа на свој терен го победија Марсеј со 3:1.

ПСЖ ја продолжи доминацијата во домашното првенство и овој тим без поголеми проблеми славеше во дербито. Одличен натпревар одигра Ди Марија кој даде два гола, додека еден беше дело на Мбапе.

Во самиот финиш домашниот тим можеше и до поубедлива победа, но Мбапе промаши пенал во 94. минута.

Сепак, она што ги разочара многумина е фактот што Мбапе не му дозволи на Ди Марија да го шутира пеналот и да постигне хет-трик. Следуваше мала расправија, но на крајот Мбапе ја постави топката на белата точка и го промаши пеналот.

Mbappe refusing to give Di Maria the penalty who was on a hattrick, just for him to miss it lol I prefer not to speak pic.twitter.com/7lYWX6AKKd

— Sue (@suesaura) March 17, 2019