Во Милан на големо го најавија како „револуционер“, а Капело за него тврди: Не направил ништо важно

Според легендарниот италијански тренер, Фабио Капело Ралф Рагник не е најдобро решение за Милан.

Во последните месеци во италијанските медиуми многу се пишува за тоа дека Германецот ќе го замени Стефано Пиоли на клупата на Милан и ќе добие големи овластувања. Сепак, Капело не е баш воодушевен од квалитетите на Германецот.

Капело смета дека Милан треба да продолжи со Пиоли кој според него веќе дал свој идентитет на Милан.

„Не го познавам. Прочитав дека правел интересни, но неважни работи во Германија. Сега доаѓа во првенство кое не го познава многу. Пиоли изгради идентитет кој Милан го немаше. „Росонерите“ треба да го остават да оди по тој пат. Со неколку засилувања Милан повторно може да биде конкурентен“, смета Капело.