Во Германија не можат да веруваат, никој не се надеваше на ова: Ноер преживува вистински кошмар

Поранешниот голман на репрезентацијата на Германија, Ули Штајн изајви дека е загрижен поради повредата на капитенот на репрезентацијата, Мануел Ноер, кој во септември по втор пат го повреди стопалото на левата нога.

Првите прогнози говореа дека Ноер од теренот ќе отсуствува неколку месеци, а Штајн вели дека не постои прашање дека Ноер ќе закрепне до почетокот на пвенството, но дека најголемиот проблем е неговото враќање во форма.

„Не се сомневам дека Ноер ќе закрепне до почетокот на првенството, но загрижен сум поради фактот дека по втор пат го повреди истото стопало. Исто така, не сум сигурен дека ќе ја постигне саканата форма до Светското првенство“, изјави Штајн.

Без оглед на неговата повреда, Штајн е оптимист кога станува збор за успехот на Германија во Русија:

„Доколку Ноер не настапи, тимот ќе може да се справи со неговата загуба и мислам дека Јоаким Лев може да ја одбрани титулата и повторно да ја однесе Германија до титулата светски првак“.

Штајн исто така ја коментираше и замената за Ноер, членот на Барселона, Марк-Андре Тер Штеген:

„Имам целосна доверба во Тер Штеген. Тоа не беше случај пред неколку месеци, но Марк направи голем чекор и денеска е одличен голман, мислам дека може квалитетно да го замени евентуалното отсуство на Ноер“.