Во Ал Хилал ќе почекаат за дебито – Нејмар пристигнал повреден!

Ал Хилал спектакуларно го претстави Нејмар, но за неговото деби ќе почека.

Саудискиот клуб плати 90 милиони евра на ПСЖ, додека на Бразилецот му даде плата до 200 милиони евра фиксно и уште 150 преку одредени клазули за бонуси. Но, Нејмар нема да може да дебитира затоа што пристигнал повреден.

Информацијата ја потврди тренерот на Ал Хилал, Португалецот, Жорге Жесус.

„Нејмар во клубот пристигна повреден, има мускуларен проблем. Во овој момент не можем да кажам кога ќе се врати и кога ќе биде подготвен за игра. Не би требало да биде на располагање и на Бразил, очекувам да остане тука на рехабилитирање“, изјави Жесус.