„Волчицата“ гризе и без Џеко, три парчиња во мрежата на Буфон!

ROME, ITALY - AUGUST 30: Radja Nainggolan with his teammate Daniele De Rossi of AS Roma celebrates after scoring the opening goal during the Serie A match between AS Roma and ACF Fiorentina at Stadio Olimpico on August 30, 2014 in Rome, Italy. (Photo by Paolo Bruno/Getty Images)

Екипата на Рома запиша убедлива победа во дербито на 36 коло во Серија А против Јувентус.

Тимот на Лучијано Спалети со 3:1 го совлада актуелниот шампион на Италија. На стартот од средбата „бјанконерите“ беа поконкретни и една од шансите искористи Марио Лемина кој погоди за 0:1 во 21 минута од средбата.

Сепак само четири минути подоцна Де Роси го изедначи резултатот, па на полувреме се замина со 1:1. Во вториот дела Стефан Ел Шарави зголемува на 2:1, за конечните 3:1 да ги постави Раџа Наинголан во 65 минута од средбата.

После оваа победа Рома се враќа на втората позиција со четири бода помалку од „старата дама“ пред последните две кола во Серија А.

„Волчицата“ теоретски сеуште има шанси за титулата, но тешко е да се верува дека Јувентус нема да запише победа во еден од последните два натпревари во кои игра против Кротоне и Болоња.