ВМФЛ: Хет-трик на Каланоски за едно полувреме, Гостивар на бод од Вардар! 🎥

Гостивар по двете нерешени средби со Пелистер (1:1) и Воска Спорт (0:0) сега им се врати на победите.

На отварањето на 21-то коло во Втората лига убедливо ја совладаа Слога Виница со 5:0. Играч на натпреварот беше Антонио Каланоски кој постигна хет-трик уште во првото полувреме. Конечните 5:0 со два гола во второто полувреме ги поставија Стојанчо Велинов и Сухејн Рушити.

Гостивар сега е второпласиран со 48 бода со еден бод помалку од Вардар кој савојот натпревар од ова коло го игра утре против Локомотив Пехчево.

Во вториот натпревар денеска Беса беше убедлива против Беласица со 3:0. Сите три гола домаќините ги постигнаа во првото полувреме.