Влезот за натпреварот Македонија – Азербејџан ќе биде бесплатен

Женската ракометна репрезентација на Македонија в среда ќе се соочи против Азербејџан во квалификациите за Европското првенство 2024 година.

Ракометната федерација на Македонија пред овој натпревар објави дека влезот за овој дуел ќе биде слободен.

„Ве известуваме дека женската сениорска ракометна репрезентација во рамки на квалификациите за обезбедување пласман на претстојното Европско ракометно првенство 2024 ќе одигра меѓународен квалификациски натпревар со репрезентацијата на Азербејџан.

Меѓународниот квалификациски натпревар со репрезентацијата на Азербејџан ќе биде одигран на ден 11.10.2023 (среда) со почеток во 18.00 часот во СЦ Јане Сандански (мала сала) во Скопје. Бидете информирани дека влезот за натпреварот е слободен“, соопшти РФМ.