Вимблдон: Надал со пресврт закажа полуфинале против Ѓоковиќ

Актуелниот тенисер број еден на АТП листата, Рафаел Надал го совлада Хуан Мартин Дел Потро после пет одиграни сетови.

После скоро пет часа игра Надал беше подобар со резултат 7:5, 6:7 (7), 4:6, 6:4, 6:4.

После изедначена игра во вториот дел Надал го подигна нивото на игра во финишот и го реши сетот во своја корист со 7:5.

Дел Потро отвори многу подобро во вториот дел, на крајот видовме и тај-брејк каде што Аргентинецот направи пресврт и успеа да изедначи на 1:1.

Во третиот на Дел Потро му беше доволен еден брејк во десеттиот гејм за да го освои сетот. Во тие моменти изгледаше дека после елиминацијата на Федерер ќе видиме уште едно изненадување.

Но, сепак Шпанецот не дозволи изненадување, во следните два сета заигра онака како што најдобро знае и успеа да се избори за место во полуфиналето каде што ќе игра против Новак Ѓоковиќ кој денес го совлада Кеи Нишикори.

The victor and the vanquished. Sportsmanship at its finest.

After four hours and 47 minutes of pure theatre, @RafaelNadal shares a touching embrace with Juan Martin del Potro ?#Wimbledon pic.twitter.com/TykAQAPReH

— Wimbledon (@Wimbledon) July 11, 2018