Видео: Јуве и Атлетико рутински, Баерн немаше милост

Ефикасна и возбудлива ноќ во Лигата на шампиони. На дербито во Лондон беа видени девет гола, седум во мрежата на Тотенхем.

Баерн Минхен буквално го прегази Тотенхем во Лондон со 2:7, а свое шоу имаше Гнабри, кој постигна дури четири гола.

Тотенхем прв дојде до водство од 1:0 уште во 12-та минута со голот на Сон. Само три минути подоцна израмни Кимих, а пред самиот крај на првиот дел следуваше ремек дело на Левандосвки.

Во второто полувреме Баерн дојде до високо водство со два брзи гола на Гнабри, а надежта на домаќините ја врати Кејн кој намалу на 2:4.

Но, Баварците немаа милост и до врв ја наполнија мрежата на „спарси“. Гнабри постигна уште два гола и имаше ноќ за памтење, а уште еден гол постигна и Левандовски.

Во истата групата Црвена Звезда оствари голема победа против Олимпијакос од 3:1, иако домаќините имаа негатива на полувреме.

Јувентус и Атлетико Мадрид остварија рутински победи против Баер Леверкузен, односно Локомотив Москва. „Бјанконерите“ беа поубедливи со головите на Игуаин, Бернардески и Роналдо. Победата на „јорганџиите“ пак му ја донесоа Феликс и Томас.

Манчестер Сити потешко од очекуавњата го совлада Динамо Загреб со 2:0, додека ПСЖ го победи Галатасарај во Истанбул со првенецот на Мауро Икарди.

Le 1er but de Mauro Icardi avec le PSG ⚽? #GALPSG #GSPSG pic.twitter.com/4O7PBG0hvo

— Yohan Roblin (@yohanroblin) October 1, 2019