ВИДЕО: Харден збесна и ги уништи Лејкерси со 50 поени и трипл-дабл!

Изминатата ноќ во НБА лигата беа одиграни четири натпревари.

Хјустон на свој паркет славеше против Лос Анџелес Лејкерси со резултат 126:111, а неверојатна вечер имаше Џејмс Харден.

Овој натпревар беше одлучен во самиот финиш кога Хјустон го „скрши“ отпорот на Лејкерси.

На крајот пресуди чудесниот Џејмс Харден кој го уништи Лејкерси со 50 поени и трипл-дабл со 11 асистенции и 10 скокови.

Одличен беше и Клинт Капел со 16 поени и 14 скокови, па така учинокот на Леброн Џејмс од 29 поени и Кајл Кузма од 24 поени на другата страна не донесе преголема корист за Лејкерси.

За Харден ова беше четврти трипл-дабл во кариерата кој го направи со 50+ поени и така се изедначи со Расел Вестбрук. Такво нешто направиле само уште Вит Чембрлејн и Елгин Бајлор (два пати).

Одлична ноќ имаше Варен кој со 30 поени го предводеше Феникс до победа над Далас Маверкис (99:89). Лука Дончиќ на другата страна имаше нешто по скромна ноќ со 13 поени, шест скокови и пет асистенции. Барнес беше најефикасен кај Далас со 15 поени.

Четврта победа во низа запишаа Сан Антонио Спарс кои сега славеа над ЛА Клиперси со убедливи 125:87.

Лемаркус Олдриџ имаше одлична ноќ со 27 поени со само две промашувања од игра (12 од 15), а се истакна уште Руди Гај со 21 поени. Кај Клиперси најефикасен беше Тобиас Харис со 17, додека Бредли и Галинари уфрлија по 15 поени.

Никола Вучевиќ со 26 поени и 10 скокови го предводеше Орландо до победа против Чикаго Булс (97:91), додека на другата страна Зак Лавин постигна 23 поени.