Видео: Тотенхем испушти два гола предност против Олимпијакос

Денешниот ден во Лигата на шампиони започна со две ремија, а возбудливо беше во Атина каде Олимпијакос анулираше предност од два гола на Тотенхем.

Тотенхем дојде до предност во 26-та минута преку Хари Кејн, кој беше прецизен од белата точка. Само пет минути подоцна Лукас Моура зголеми на 2:0 со фантастичен гол од дваесетина метри.

Во последната минута од првото полувреме домаќините намалија на 2:1 преку Поденсе. После девет минути игра во вториот дел Валбуена беше прецизен од белата точка за конечни 2:2.

Другиот меч помеѓу Бриж и Галатасарај заврши исто така без победник, но и без голови.