ВИДЕО: Сеск Фабрегас „измисли“ нов пас – случајно или намерно?

Враќањето на Леонардо Жардим на клупата на Монако се покажа како добра работа за клубот од Кнежеството.

Монако под водство на Тиери Анри играше катастрофално, но од кога Жардим се врати во клубот Монако веќе четири натпревари е без пораз, а во тој период има три победи.

Во претходното коло Монако го победи Лион во дербито, а стрелци на погодоците беа Желсон Мартинс и Рони Лопес.

После овој натпревар на социјалните мрежи се појави едно видео во кое во главна улога е Шпанецот кој во јануарскиот преоден рок му се приклучи на Монако, Сеск Фабрегас. Шпанскиот ветеран сосема случајно „измисли“ нова техника.

Никој освен самиот тој не може да каже дали Фабрегас имаше намера да направи такво нешто или се работи за доза на среќа, но без разлика како и да го направи успеа да го збуни противникот.

? Cesc Fabregas ? pic.twitter.com/hQhFfB5LXw

— AS Monaco ?? (@AS_Monaco) February 26, 2019