Вечерва во рамките од 1/16 финалето на шпанскиот куп својот натпревар го одигра Реал Мадрид на гостински терен кај третолигашот Мелија.
Овој натпревар привлекуваше посебно внимание поради тоа што на клупата на првиот тим на Реал Мадрид дебитираше Сантијаго Солари кој го наследи Јулиен Лопетеги.
Пред дербито, падна најважниот потпис во Манчестер Сити! ↓↓↓
„Кралевите“ ја оправдаа фаворитската улога и славеа победа од 0:4.
До водство фаворитот стигна во 28-та минута преку Карим Бензема кој погоди после асистенцијата на Одриозола.
Во судиското продолжение од првиот дел Асенсио после асистенцијата од Винисус Жуниор постигнува гол за 0:2.
Во вторите 45 минути работите не се променија многу, Реал сигурно ја чуваше предноста, а во еден момент Бразилецот Жуниор можеше и да го постигне својот првенец за „кралевите“, но ја погоди само пречката.
Асистентот при првиот погодок Одриозола на десетина минута пред крајот зголеми на 0:3, а конечните 0:4 во финишот ги постави Кристо Гонзалес.
Учество во игри на среќа е дозволено за лица со 18+ години. Играј одговорно!