Видео: Реал се спаси од срам, Шахтјор до победа во последните секунди

Реал Мадрид успеа да избегне пораз во последните минути против Клуб Бриж. Аталанта во последните минути поразена од Шахтјор.

„Кралевите“ после дебаклот во Париз не ја научија лекцијата и во првото полувреме не личеа на себе. Бриж дојде до водство во 9-та минута од натпреварот со голот на Денис.

Реал не успеа да се соземе од шокот, па истиот играч пре крајот на првото полувреме уште еднаш го шокира Бернабеу, за водство од 2:0 на белгискиот тим.

„Кралевите“ во вториот дел тргнаа фуриозно, па капитенот Серхио Рамос го врати тимот во живот и постигна гол во 56-та минута.

Одлучуваа буквално милиметри, изгледаше како Рамос да е во офсајт, но технологијата покажа дека е во дозволена позиција. Каземиро во последните минути го спаси Реал од пораз и израмни на 2:2.

Аталанта го пречека Шахтјор на „Сан Сиро“ во Милано и го доживеа вториот пораз сезонава во Лигата на шампионите и тоа во последните секунди од мечот.

Домаќините одлично го отворија мечот и дојдоа до водство преку Дуван Запата во 28-та минута, иако претходно Иличиќ промаши пенал.

Шахтјор во 41-та минута го израмни резултатот преку Мораес, а до победа дојде во 95-та минута, неколку секунди пред последниот судиски свиреж.