(Видео) ПСЖ сигурен, Нејмар не „задоцни“, погодок на дебито!

Екипата на ПСЖ покажа сигурна игра и заслужено славеше со 0:3 на гостувањето против Гуигамп.

Иако клубот од Париз доминираше од самиот почеток, создаваше сериозни шанси за погодок, во првиот дел мрежите мируваа. Но, затоа после само седум минути игра во вториот дел Икоко ја затресе сопствената мрежа и донесе предност за „светците“.

Вториот гол беше дело на Едисон Кавани, додека третиот го постигна најскапиот фудбалер во историјата на фудбалот, Нејмар кој дебитираше во овој натпревар.

Да потсетиме, поради недостигот на документација Нејмар не настапи во првото коло, Бразилецот против Гуигамп прв пат истрча во дресот на ПСЖ во официјален натпревар, а му беа потребни нешто повеќе од 80 минути за да го постигне првенецот до дресот на „светците“ од Париз.