Видео: Новиот Интер со стари проблеми, поразен уште на стартот

Сасуоло го приреди најголемото изненадување во првото коло од Серија А победувајќи го фаворизираниот Интер со 1:0.

„Нероазурите“, иако важеа за големи фаворити, сепак беа непријатно изненадени уште на стартот. Сасуоло заслужено ги освои трите бода, а херој беше Берарди кој го совлада Хандановиќ од пенал во 27-та минута.

Пред крајот на првото полувреме Интер бараше пенал поради стартот над Асамоа, а во второто полувреме иако го имаше поседот не успеа да создаде зрела шанса за гол.

Парма испушти два гола предност и одигра 2:2 против Удинезе, Болоња загуби дома од Спал со 1:0, а Емполи стартуваше со три бода откако на домашен терен го победи Каљари со 2:0.