Видео: Лејкерси се разбудија во вториот дел Кузма најефикасен!

Изминатата вечер во НБА лигата се одигра само еден натпревар во кој Лос Анџелес Лејкерс славеше победа против Чикаго Булс.

Лејкерси славеа со 103:94 и стигна осмата победа во сезоната во која имаа и десет порази. За Чикаго ова беше 12 пораз.

Гостите подобро го отворија на натпреварот и на полувреме имаа дури 14 поени предност, но таа предност се стопи во третата четвртина во која Чикаго одигра слабо и во завршната четвртина влегоа со само три поени предност. На крајот Лејкерси успеаа да стигнат и до целосен пресврт.

Најдобар во победата на Лејкерси беше Кај Кузма со 22 поени, Калдвел Поп додаде поен помалку и покрај тоа забележа девет скокови. Брендон Инграм натпреварот го заврши 17 поени, Џордан Кларксон запиша дабл-дабл од десет поени и десет скокови, а Лонзо Бол постигна осум поени, но беше одличен под обрачот каде што забележа 13 скокови.

? @CaldwellPope puso a delirar a todos en @STAPLESCenter con este bombazo en transición cortesía de Lonzo Ball (@AGMLA y @PintoLakers en @spectdeportes). pic.twitter.com/6Eki94FlQB

— Los Lakers (@LosLakers) November 22, 2017

Во екипата на Чикаго најефикасен беше Дензел Валентајн со 17 поени. Антонио Блејкени додаде два помалку, Робин Лопез постигна 14, Лаури Марканен забележа 13 поени и 14 скокови за дабл-дабл, а Џастин Холидеј натпреварот го заврши со дабл-дабл од десет поени и десет скокови.

? KCP hit some huge triples late in the fourth to seal the win, finishing with 21 points #LakersWin pic.twitter.com/3jJouMfFLj

— Los Angeles Lakers (@Lakers) November 22, 2017