Видео: Волфсбург на чекор од опстанок во Бундес лигата

Фудбалерите на Волфсбур се на чекор од опстанок во Бундес лигата, откако вечерва го совладаа Кил со 3:1 во првиот плеј-оф натпревар.

Актуелниот прволигаш обезбеди солидна предност пред реваншот. Дивок Ориги ја најави победата на домашниот тим во 13-та минута. Кинсли Шиндлер го израмни резултатот во 34-та минута, но само неколку минути подоцна „волците“ повторно дојдоа до предност преку Јосип Брекало.

Во второто полувреме домаќините стигнаа до предност од два гола со голот на Јунус Мали во 56-тата минута и до крајот успеаа да се одбранат од неколкуте опасни напади на Кил.