Видео: Вознемирувачки сцени во Наполи, Оспина во нокдаун

Натпреворот помеѓу Наполи и Удинесе го доби домашниот тим, откако беше видена голеада, а крајниот резултат беше 4:2.

Покрај многуте погодоци, натпреварот го одбележи и ситуацијата на крајот од првото полувреме кога Давид Оспина како покосен заврши на тревникот, а играчите вознемирани ги повикаа докторите на помош.

Оспина претходно доби силен удар во челото кога со нога го погоди Игнасио Пусето. Сепак, после укажаната лекарска помош Оспина процени дека може да продолжи.

Грешка. Се виде дека тоа не е истиот човек, а пред крајот на полувремето Колумбиецот сам падна на теренот. Играчите притрчаа, а судијата веднаш го повика докторот. Оспина се освести, но беше јасно дека не може да продолжи.