Вејн Руни најави крај на кариерата и откри која е неговата следна цел

Вејн Руни откри што би сакал да работи кога ќе ја заврши фудбалската кариера.

Легендата на Манчестер Јунајтед и сегашен фудбалер на Евертон каде и што ја започна кариерата не се гледа себе си никаде на друго место освен во фудбалот.

Со оглед дека полека влегува во поодминати фудбалски години призна дека размислува за тоа со што би се занимавал кога ќе стави крај на големата кариера.

„Себе си во иднината се гледам на позицијата менаџер во иднината. Би сакал да тренерската работа да ја учам тука во Евертон и еден ден да го првземам овој тим. Тоа си го поставив како следна цел во животот. Имам намера веќе од следната сезона да започнам да работам во младинските категории“, изјави Руни за „Телеграф“.

Руни минатата гофина се врати на „Гудисон парк“ после 13 години поминати во Манчестер Јунајтед и во досегашниот дел од сезоната тој е најдобриот стрелец во редовите на „карамелите“ со 10 постигнати погодоци.