Венгер и по ова ќе се сруши: Конте се договори, на „Стемфорд Бриџ“ пристигнува големото засилување

Фудбалските екипи на Челси и Арсенал постигнаа договор.

Алекс-Окслејд Чембрлен ќе биде нов член на Челси, тукушто потврди Скај Спорт.

Арсенал на крајот ја прифати понудата на Челси од 40 милиони евра, и англискиот репрезентативец ќе го засили тимот на Антонио КОнте.

Денес попладне треба да се реализираат завршните преговори, а потоа Окс ќе ги мине лекарските прегледи и ќе потпише договор со „Плавите“.

Конте го посакуваше Англичанецот за да ја засили конкуренцијата по десниот бок, па сега Чембрлен ќе води битка со Мозес за позиција во тимот.

До крајот на преодниот рок, се очекува продолжување на офанзивата на Челси, бидејќи Конте сака и играч за врска и напаѓач, па ќе биде сигурно интересно до крајот на следната недела.