Ван Дајк започна со тренинзи, може да се врати пред крајот на сезоната

Дефанзивецот на Ливерпул, Вирџил ван Дајк започна со лесни тренинзи, пренесуваат англиските медиуми.

Ова е одлична вест за „црвените“ и му дава надеж на Јирген Клоп, дека столбот на одбраната може да се врати пред крајот на сезоната.

Холанѓанецот се здоби со повреда на коленото за време на градското дерби против Евертон и беше опериран во октомври.

Веќе започна со периодот на рехабилитација, првиот дел од програмата вклучува лесни тренинзи, а потоа ќе станат поинтензивни во зависност од самиот играч.

Ливерпул има големи проблеми со повреди во одбраната, па останува да видиме дали Ван Дајк ќе успее да се врати на терените пред крајот на сезоната.