Вакво нешто не му се случило на Роналдо цели 12 години

Кристиано Роналдо пред неколку дена наполни 37 години, но моментално се наоѓа во најлоша форма во последните 12 години.

Португалецот со големи очекувања минатото лето се врати на „Олд Трафорд“, но Манчестер Јунајтед игра под сите очекувања, а со тоа и Роналдо.

Роналдо синоќа против Барнли не успеа да постигне гол, а тоа беше негов петти меч по ред на кој не се запишал во листата со стрелци, а тоа исто така е најдолг пост кој го имал во последните 12 години.

Сите навикнаа Роналдо да руши рекорди, но сега стигна до еден негативен. Тој не постигна гол на пет натпревари во 2022 година, а мрежата ја зачуваа Вулверхемптон, Брентфорд, Вест хем, Миделсбро и Барнли.

Такво нешто последен пат му се случи во 2010 година, кога играше за Реал Мадрид, а тогаш го измачија Малага, Мајорка, Осасуна, Ајакс и Реал Сосиедад.