Бразилски агент: Реал Мадрид го сака Нејмар

Познатиот бразилски агент, Вагнер Рибеиро откри дека Реал Мадрид е заинтересиран за Нејмар.

Рибериро порано го застапуваше Нејмар и откри дека имал средба пред една година со Флорентино Перез.

„Неколку пати бев во Мадрид бидејќи претседателот на Реал Флорентино Перез имаше намера да го купи Нејмар. Минатата година во мај седевме во неговиот кабинет и ми кажа дека сака да го донесе Нејмар“, открива Рибеиро.

„И покрај се сметам дека Нејмар ќе остане во Париз ова лето, бидејќи пазарот многу се промени поради ситуацијата со пандемијата. Финансиската ситуација на клубовите во целиот свет се промени“, додаде бразилскиот агент.

Минатото лето Барселона направи неколку обиди да го врати Нејмар на „Камп Ноу“, но не успеа да најде заеднички јазик со ПСЖ.