Бразилец е нов тренер на Гостивар

Tимот на Гостивар го доведе новиот тренер по заминувањето на Муарем Муарем и тоа е 43-годишниот Марк Нобре.

Нобре во Гостивар доаѓа од Турција каде што работеше во тимот на Чорум, претходно беше дел од Алтај, Генчлерберлиги и Хатајспор.

Станува збор за човек кој остави голема трага во Турција како играч и од 2004 до 2011 година го носеше дресот на гигантите Фенербахче и Бешикташ за кои собра над 200 настапи и постигна 100 гола.

Покрај Фенербахче и Бешикташ играше уште за: Генчлербирлиги, Ерзумруспор, Кајзериспор, Мерсин во Турција, швајцарскиот Вил, јапонската Кашива Рајсол и Парана и Крузеиро во Бразил.