Брага е апсолутен ХИТ: Го „одби“ Роналдо, а го „избра“ Лукиќ!

Португалскиот прволигаш Брага на интересен начин и соопшти на јавноста кои се новите две засилувања доведени во зимскиот преоден рок.

Брага за таа прилика ја искористи мобилната апликација „Tinder“, која на многубројните корисници во светот им служи за дружење и запознавање.

„Tinder“ функционира на принципот што двата корисници го продолжуваат „запознавањето“ само ако двајцата стегнат „лајк“.

Така постапи и Брага, па ѕвездата на Реал Кристиано Роналдо го „отфрли“ како прескап, напаѓачот на Челзи Мичу Батчуаи го елиминира како несериозен, претседателот на Спортинг Лисабон, Бруно де Карвахал „нема доволно квалитет“…

Сепак, двајцата фудбалери кои добија „лајк“ се Андреј Лукиќ и Рикардо Ривер, двете нови засилувања на Брага.

Андреј Лукиќ е 24-годишен хрватски дефанзивец кој во португалскиот тим доаѓа од Осијек за 600.000 фунти. Рикардо Ривер е играч од средината на теренот и доаѓа од бразилскиот Лувенденсе.

? IT’S A ? MATCH! ?

? Não faltavam opções, mas nem todos têm o que é preciso para ser Gverreiro!
Os reforços estão escolhidos. Sabe mais em: https://t.co/m73VumyIAq pic.twitter.com/LDd53B3pFp

— SC Braga (@SCBragaOficial) January 16, 2018