Бостон не се предава, се врати со победа над Мајами

Кошаркарите на Бостон го совладаа Мајами со 117:106 во третиот натпревар и намалија на 2:1 во финалната серија од Источната конференција.

Селтикс водеа буквално од почетокот до крајот, Мајами во ниту еден момент немаше предност во натпреварот. Бостон во текот на последниот период имаше и водство од 20 поени разлика, а конечниот резултат гласеше 117:106.

Џејлон Браун постигна 26 поени, а Џејсон Тејтум додаде 26 и 14 скока. Кемба Вокер и Маркус Смарт се истакнаа со 21, односно 20 поени, а Гордон Хејворд се врати откако беше отсутен повеќе од еден месец поради проблем со глуждот.