„Бомба“ од Апенините: Ашраф Хакими се сели во Интер

Италијанските медиуми лансираа вистинска „бомба“ и тврдат дека Ашраф Хакими е пред трансфер во Интер.

Десниот бек веќе дал согласност за трансферот, а Интер и Реал Мадрид ги договараат последните детали, трансферот ќе биде тежок 40 милиони евра.

Хакими оваа сезона игра на позајмица во Борусија Дортмунд и блеска во дресот на „милионерите“ каде на 40 меча на кои постигна 9 гола и запиша 10 асистенции.

Хакими неодамна го продолжи договорот со Реал Мадрид до 2023 година, но „кралевите“ сакаат да инкасираат кеш од неговата продажба бидејќи Зидан на таа позиција му верува на Карвахал.

Многу европски гиганти го сакаат 21-годишниот Мароканец, но Интер успеа да ја добие битката за неговиот потпис.

#Inter su #Hakimi, affare in chiusura. Pochi dettagli da sistemare https://t.co/KStqkKawi7

— Gianluca Di Marzio (@DiMarzio) June 26, 2020