Тројца кандидати ќе се борат за најдобар афрички фудбалер за изминатата година

Фудбалерите Мохамед Салах, Ашраф Хакими и Виктор Осимен се номинирани во изборот за најдобар афрички фудбалер во годината.

Како што соопшти Афричката фудбалска конфедерација, најдобриот играч ќе биде прогласен на церемонијата во Маркеш на 11. декември.

Во игра се Мохамед Салах од Ливерпул, Хакими од ПСЖ и Осимен од Наполи.

Ако нешто значи пред изборот, Осимен и Салах беа најдобро пласирани афрички фудбалери во изборот за „Златната топка. Осимен беше осми, Салах 11-ти. Треба да се каже и дека напаѓачот на Наполи пред два дена го доби признанието за најдобар фудбалер во Серија А за изминатата сезона.