„Бомба“: Манчестер Јунајтед спреми 150 милиони за Винисиус

Британскиот медиум „Метро“ лансираше вистинска „бомба“ и најавува сензационален трансфер на бразилската ѕвезда Винисиус од Реал Мадрид во Манчестер Јунајтед.

Наводно, премиерлигашот е подготвен да плати 150 милиони евра бразилскиот репрезентативец, а уште поинтересно е тоа што Реал нема против да почне преговори.

Реал на лето најверојатно ќе го доведе Килијан Мбапе и тоа без обештетување, па поради тоа е спремен да го продаде Винисиус.

Иако ваквите најави изгледаат речиси невозможни, сепак, Манчестер јунајтед веднаш изрази подготвеност да плати 150 милиони евра.

Бразилецот веќе неколку сезони е еден од најважните играчи на Реал, но раководството смета дека постои можност следната сезона да падне во сенка на Мбапе.