БОКСИНГ ДЕЈ: Мурињо во ОГРОМНИ проблеми пред натпреварот против Барнли

Манчестер Јунајтед денеска од 16:00 ја пречекува екипата на Барнли, а синоќа пристигна очекувана потврда дека Жозе Мурињо повторно е во проблем.

Локалниот „Manchester Evening“ пренесе дека во хотелот каде што се играчите го нема Крис Смолинг. Стоперот доживеа повреда на мускулот на натпреварот против Лестер, но Мурињо не можеше да го замени затоа што веќе ги имаше извршено сите три измени.

Покрај Смолинг, надвор од теренот е и Антонио Валенсија, додека недостасуваат и од претходно повредените Фелаини, Баи, Карик. Особено е интересна информацијата дека меѓу присутните ги немаше ниту Виктор Линделоф, Пол Погба и Ентони Марсијал, но не е позната причината, иако истиот извор вели дека тие ќе бидат во тимот.