Боели постави Американец за извршен директор во Челзи

Tимот на Челзи денес го назначи Американецот, Крис Јурасек за нов извршен директор, а претседателот задолжен за секојдневни операции Том Глик би требало да го напушти клубот по помалку од една година на таа позиција.

Во својата прва сезона откако Боели го презема клубот, тимот заврши на 12-тото место во Премиер лигата и во наредната сезона тренер ќе биде Аргентинецот, Маурисио Покетино.

„Воодушевен сум што се придружив на Челзи, клуб кој се сака и следи во целиот свет“, изјави Јурасек по промоцијата.

Претходно овој месец „Гардијан“ објави дека Челзи ангажирал адвокатска фирма да истражи дали Глик постапувал исправно со агентите на фудбалерите.