„Билд“: Роналдо се нуди на Борусија Дортмунд

Кристијано Роналдо и понатаму е во потрага по нов клуб. Португалецот сака да се пресели во клуб со кој ќе игра во Лигата на шампионите, но засега ниту еден голем клуб не покажал сериозен интерес.

Германски „Билд“ тврди дека неговиот агент Жорге Мендеш го понудил Роналдо на Борусија Дортмунд. Интересно е што веднаш по оваа вест на „Билд“ акциите на Борусија се зголемиле за 2.3%.

„Би-Би-Си“ претходно објави дека Роналдо негативно влијае на атмосферата во тимот на Јунајтед кој има два порази во првите два натпревари во Премиер лигата против Брајтон и Брентфорд.

До крајот на преодниот рок нема уште многу, завршува на 1. септември, па така наскоро и дефинитивно ќе биде познатата и иднината на Роналдо.