Бизарно: Фудбалер на Шахтјор казнет поради „лајк“ за натпреварот Русија – Србија

Шахтјор Доњецк го казни својот фудбалер Хусрав Тоиров со eдна месечната плата поради навистина бизарна причина.

Тоиров на социјалните мрежи „лајкнал“ објава од пријателскиот натпревар меѓу Русија и Србија во Москва кој Русите го добија со 4:0, а тоа ги налути сите во редовите на украинскиот гигант.

Тоиров е репрезентативец на Таџикистан, а Шахтјор најави дека неговата месечна заработка ќе биде префрлена во една од единиците на Вооружените сили на Украина.

Според украинските медиуми, платата на Тоиров е околу 7.100 евра, што е добра сума со оглед на тоа што има само 19 години.

„Фудбалскиот клуб Шахтјор ја забележа реакцијата на Хусрав Тоиров. Сметаме дека е тоа неприфатливо и срамно однесување. Фудбалерот ќе биде казнет со една месечна плата, а овие пари ќе бидат наменети за поддршка на еден од единиците на вооружените сили на Украина“, се наведува во официјалното соопштение од Шахтјор.

Shakhtar have decided to fine their U19 🇹🇯 winger Khusrav Toirov a month's salary for liking a post of the russian national team beating Serbia as per official comment by Shakhtar to @football24tv

That’s around €7,100 and the fine money will go to Ukraine’s Armed Forces pic.twitter.com/NpGt7sgPGO

— Zorya Londonsk (@ZoryaLondonsk) March 22, 2024