Бензема става потпис на нов договор

Карим Бензема вчера ја доби престижната „Златна топка“, што е круна на фантастичната сезона која ја имаше со Реал Мадрид.

34-годишниот Французин го однесе Реал до европскиот трон, а и оваа сезона игра на врвно ниво.

Неговиот договор со „кралевите“ истекува на крајот на сезоната, но Реал веќе спреми нов договор за голгетерот.

Најавите од Шпанија се дека Реал сака да го задржи Бензема најмалку до 2024 година и почнал преговори со неговиот агент.

Бензема сака да остане и да ја заврши кариерата на „Сантиаго Бернабеу“, па нема да има никаков проблем околу новиот договор.