Бензема со ироничен коментар за изборот на „Екип“ за најдобар напаѓач

Напаѓачот на Реал Мадрид, Карим Бензема остана надвор од изборот на 15 најдобри напаѓачи во светот, направен од еминентниот весник „Екип“.

Популарниот весник им даде можност на читателите да го изберат идеалниот тим на годината, а во нападот можеа да изберат 15 напаѓачи предложени од весникот.

Тоа воопшто не му се допадна на Бензема, па иронично праша: „Еј Екип, пријатели мои. Дали може да бидам 16-ти?“.

Многу спортски фанови го определија отсуството на Бензема како „лудост“ и „неправедно“, бидејќи напаѓачот со Реал Мадрид ја освои третата титула во ЛШ со ред.