Бензема: Мбапе е добредојден во Реал

Карим Бензема после подолго време се врати во репрезентацијата и се подготвува за настап на Европското првенство.

Веднаш откако ги започна припремите со репрезентацијата Бензема објави фотографија со Килијан Мбапе, а сега зборуваше за можниот трансфер во Реал Мадрид.

„Мбапе во Реал? Ќе видиме што ќе се случува, но во секој случај ќе биде добредојден. Тоа е млад играч, феномен со кој можев да тренирам. Има брзина и квалитет“, изјави Бензема, кој потврди дека останува во Реал.

„Се трудам да бидам подобар секоја сезона. Овде играм фудбал за кој сонував од секогаш. Денес може да ми судите за тоа што го правам. Ова е мојот фудбал. Ова е клубот на мојот живот. Ќе останам и следната сезона во Реал“, заклучи Французинот.