Големата ѕвезда на Барселона, Лионел Меси играл во секоја секунда од почетокот на сезоната, покажа статистиката која ја направи „Марка“.
Од почетокот на сезоната 2017/18 која за Каталонците стартуваше на 13-ти август, Меси одигра 1170 минути и веќе цели два месеци игра без престан.
Учиме по најтешкиот пат: Со едукација за заштита и спасување до спречување на трагедии! ↓↓↓
Во ниту една од претходните сезони на „Камп Ноу“ Аргентинецот не започнал толку ударно и без минута одмор. Обично Меси се приклучува покасно на подготовките поради Светското првенство или Копа Америка.
Ова лето единствениот посериозен ангажман на „волшебникот“ беше свадбата која се одржа на 30-ти јуни. Потоа Меси започна да игра уште од Суперкупот на Шпанија и веќе има 15 постигнати гола оваа сезона.
Во сабота Каталонците ќе ја пречекаат Малага и најверојатно Меси ќе биде на теренот од првата минута, но готово сигурно Аргентинецот ќе одмара следната среда во Купот против тим од втората лига.
Учество во игри на среќа е дозволено за лица со 18+ години. Играј одговорно!