Барселона има резервна опција доколку не успее да го донесе Мартинез

Барселона ова лето со сите сили ќе се обиде да го донесе напаѓачот на Интер, Лаутаро Мартинез.

Лаутаро некое време е желба на каталонскиот клуб и според многумина тој е идеалната замена за Луис Суарез. Аргентинецот нема ништо против за трансфер во Барса која има шанса да ја активира неговата откупна клазула од 111 милиони евра.

Сепак, Каталонците ќе се обидат да ја симнат цената за Лаутаро и ќе му понуди на Интер во трансферот да бидат вклучени и неколку играчи. Но, Интер сака само пари што очигледно Барселона не е подготвена во овој момент да плати.

Мундо Депортиво пишува дека во Барселона размислуваат и за резервна опција доколку не успеат да го донесат Лаутаро. Наводно, прва желба им е Александер Исак кој оваа сезона игра одлично во дресот на Реал Сосиедад.

Сепак, проблем за Барселона може да претставува фактот што тој има откупна клазула од 70 милиони евра и Сосиедад ќе се согласи на трансфер само доколку некој се одлучи да ја издвои таа сума за овој 20-годишен напаѓач.