Барселона го сака Кансело, Кансело ја сака Барселона, но…

Барселона сака на крајот на сезоната да го задржи во своите редови Жоао Кансело, пренесуваат шпанските медиуми.

Кансело во летниот преоден рок пристигна во Барселона на позајмица, а клубот е задоволен од она што досега го прикажа.

Кансело ги оправда очекувањата на Чави и игра одлично на „Камп Ноу“, па приоритет ќе биде негово останувањ во тимот.

Самиот Кансело, за кого има интерес и од други клубови,  изјави дека би играл само за Барселона, но проблем е сумата која ја бара Манчестер Сити.

Имено, „граѓаните“ за неговата слобода бараат 40 милиони евра, сума која Барселона тешко ќе може да ја плати.