Барселона го договори Рубен Невеш по „дисконтна“ цена

Барселона е во потрага по квалитетен играч за врска кој ќе може да го замени Серхио Бускетс, пренесуваат каталонските медиуми.

Прв избор е португалскиот репрезентативец и член на Вулверхемптон, Рубен Невеш со кого преговорите се во напредна фаза.

Неговиот агент Жорге Мендеш веќе имал состанок со раководството на Барселона и наводно ги договорил личните услови на фудбалерот.

Весникот „АС“ оди чекор подалеку и тврди дека Барселона постигнала договор со англискиот клуб за трансферот и зделката ќе биде официјализирана следните денови.

Поради добрите односи со клубот и агентот Мендеш, Каталонците за Невеш ќе платат „само“ 26 милиони фунти плус бонуси, иако Вулверхемптон првично бараше многу повеќе.